Ang blog na ito ay tungkol sa limang LARONG PINOY na una kong naranasang laruain sa klase kong PE 2 PG (Philippine Games).

Noong bata ako, mas lumaki ako sa loob ng bahay. Kumpara sa ibang batang pinoy, hindi ko palaging naranasang maglaro sa kalsada kasama ang aking mga kapitbahay, kaya hindi ako naging pamilyar sa mga LARONG PINOY (maliban nalang sa mga kilalang-kilala talaga gaya ng patintero, o tagu-taguan, o langit-lupa).

Ang sumusunod na limang laro ay hindi nakaayos batay sa kung ano ang pinakamagandang/pinakamasayang laro. Ang limang laro na ito ay ang mga tumatak lang saking isip. Siguro dahil nga di ko sila nakalimutan, masasabi kong karapat-dapat ko itong ilagay sa journal.

Dahil ito ang pinakaunang laro na hinati ang klase sa mga grupo, inisip ko na sa pagkakataong iyon, masisimula ko nang makilala ang mga kaklase ko. At totoo ngang iyon ang nangyari. Sa larong ito, una ko nang nakilala kung sino sa klase ang bibo sa paglalaro, kung sino ang tahimik lang, at kung sino yung sigaw nang sigaw. Sa larong ito unang nagkausap, nagkakilala, nagsigawan, naghawakan, at nagpalitan ng pawis ang mga tao.

Napansin ko sa mga kaklase ko na namimili na sila ng role na gagampanan sa laro kahit hindi ito pinag-usapan. Siguro natural na itong gawain o tendency pag naglalaro.

Bilang variation, naisip ko, maganda kung ang mga prisoners ay imbis na maging prisoners, dapat maging bahagi na ng kalaban nilang grupo. Kaya habang mas maraming nahuhuli ang isang grupo, nadadagdagan sila.

MVP: Jefferson

AWARD: Ice-breaker Game Award

Habang sinasabi palang ni ma'am kung paano laruin ito, napansin ko nang medyo hindi siya naintindihan agad ng mga tao. Lalong nagkagulo-gulo nung talagang linaro na siya. Pati ako mismo hindi agad nakasunod sa kung anong nangyayari.

Siguro magandang variation kung umiikot ang mga tao sa inner circle at outer circle. Clockwise ang inner circle, at counterclockwise ang outer circle. Pero dapat sabay-sabay ang paghakbang ng mga tao (organized trip to jerusalem?) para lang masiguradong may linya pa ring nagagawa ang magkapares sa inner at outer circle. Pampadagdag lito lang siya at para rin magkaroon ng chance maging taya ang ibang tao. (Ang nangyari kasi sa laro natin, may madalas na tinatakbuhang linya ang taya, kaya may ibang hindi naging taya.)

MVP: Ako (haha!)

AWARD: Most "You-Should-Always-Be-Alert" Award

Kakaiba itong larong ito. Para siyang simpleng variation ng taya-tayaan, pero iba pa rin siya sa taya-tayaan talaga. Humahaba ang taya, kaya lumalawak ang reach, pero dalawa pa rin ang kamay niya. Napansin ko sa mga nasama sa "taya-line" na naging masigasig talaga sila habang tumatagal yung laro. Naging "taya-line" vs. every man for himself.

Wala na akong maisip na variation para sa berong-berong, kasi maganda na yung ginawa sa klase na kapag umabot sa anim na tao ang "taya-line", mahahati ito sa dalawa.

MVP: (Sa sobrang gulo, hindi ko na napansin ang mga tao kaya wala akong nakitang MVP)

AWARD: Most "Ang Gulo Naman!" Award

Hindi ko talaga nagustuhan itong larong ito. Pero hindi dahil sa laro mismo, pero dahil sa pag-handle lang ng reporters. (oops!) Naisip ko, unahan siya na may pagka-taya-tayaan na takbuhan na may pangkat-pangkat din. Parang pinagsama-samang maraming laro sa isang laro.

Magandang variation na naisip ko, dapat yung dalawang teams ay malayo talaga sa naghahawak ng panyo, para may chance talagang maagaw ng kabilang grupong di nakakuha nung panyo. Talagang pabilisan ng takbo ang mangyayari, tapos mas malawak pa na playing field. Maganda ring variation kung tanggalin na yung pangkat-pangkat pero may assigned number pa rin. Nasa isang malaking bilog nalang ang mga tao tapos unahan lang talaga.

Kung tutuusin dahil nga ang larong ito ay parang pinagsama-samang iba't ibang laro, maraming puwedeng gawing variation dito.  

MVP: Si classmate na same number sa'kin. Hindi ko alam name niya. :(

AWARD: Most "May Potential Maging Kahit Anong Game" Award

Ito siguro ang pinakakakaibang larong nalaro ko sa klaseng ito. Magaling ang mga estudyante ni ma'am dati na nakaisip nito. Ang galing din ng konsepto nila kung paano nila nabuo yung laro.

Dahil sa pagkakakaiba niya, talagang tutok na tutok yung buong klase sa nangyayari. Talagang may mga tumitili pa pag muntik nang magkahawakan ng kamay yung dalawang "taya".

Magandang variation siguro kung may isa o dalawang naka-blindfold sa loob din ng bigger circle. Tapos pagkanahawakan niya ang smaller circle, game over na. Hindi ko lang alam kung ano/sino sumasagisag ang taong naka-blindfold batay sa konsepto ng laro.

MVP: Jefferson

AWARD: Most "Tense-Kilig" Award